یورینل بیاگ (پیشاب کی تھیلیاں) ختم ہونے پر مریض کو کولڈ ڈرنک کی بوتل لگادی گئی۔

بہار/جموئی: آپ نے اکثرجگاڑ(مشکل کام کرنے کا آسان طریق) کے بارے میں سنا ہوگا۔ بہار کے صدر اسپتال میں ان دنوں صرف جگاڑ پر کام ہو رہا ہے۔ معاملہ جموئی کے صدر اسپتال سے متعلق ہے۔ پیر (7 اگست) دیر رات جھاجھا کی ریلوے پولیس ایک مسافر کو بے ہوشی کی حالت میں لے کر صدر اسپتال پہنچی۔ مریض کو یہاں داخل کیا گیا تھا۔ علاج شروع کرنے کے لیے ڈاکٹر نے مریض کو کچھ انجیکشن کے ساتھ یورینل بیاگ اور قبض کا انجکشن دینے کی ہدایت کی لیکن یہ تمام ادویات ایمرجنسی اسٹاک میں نہیں پائی گئیں۔ اس معاملے میں یورینل بیگ کے بجائے کولڈرنک بوتل کا استعمال کیا گیا۔

مریض ساری رات بستر پر لیٹا رہا۔ رات گئے اسپتال کے منیجر کو فون کیا گیا تو انہوں نے فون نہیں اٹھایا۔جب انھیں منگل (8 اگست) کی صبح اس بات کا علم ہوا تو جلدی میں پیشاب کے لیے تھیلیاں اور دیگر ضروری ادویات فراہم کر دی گئیں۔ اس مریض کی موت منگل کی دوپہر کو ہوئی۔

اب اس تصویر کے منظر عام پر آنے کے بعد ہنگامہ برپا ہو گیا ہے۔

بتاتے چلیں کہ اس سے پہلے بھی ایمرجنسی کی حالت کم و بیش ایسی ہی رہی ہے۔کہا جاتا ہے کہ کبھی سرنج، کبھی این ایس اور آر ایل، بعض اوقات سانپ کے کاٹنے کے بعد استعمال ہونے والی دوائی بھی نہیں ملتی۔ مختلف ادویات اسٹاک میں دستیاب نہیں ہیں۔ کئی بار مریضوں کو یہ تمام ادویات باہر سے خریدنی پڑتی ہیں۔ اس کے باوجود اس کےاسپتال کے منیجر مکمل طور پر لاپرواہ ہیں۔اس پورے معاملے میں صدر اسپتال کے منیجر رمیش کمار پانڈے نے بتایا کہ جیسے ہی مجھے یہ اطلاع ملی کہ یورینل بیاگس نہیں ہیں، اس کے لیے انتظامات کیے گئے۔ا سٹور انچارج کی ٹانگ فریکچر ہو گئی ہے جس کی وجہ سے دوا ختم ہونے کی اطلاع نہیں ملی۔ ادویات کی جو بھی کمی تھی وہ پوری کر دی گئی ہے۔ متعلقہ ہیلتھ ورکرز کو سخت ہدایات دی گئی ہیں تاکہ مستقبل میں ایسی صورتحال پیدا نہ ہو۔