قومی کمیشن اورفلاح و بہبود برائے اقلیت , کے لیے ممبئی سے عزیز مکی، چوہدری ذاکر الٰہی اور نیولی ڈی دیبو کا انتخاب

ممبئی : قومی کمیشن اورفلاح و بہبود برائے اقلیتوں کے لیے ممبئی سے عزیز مکی، چوہدری ذاکر الٰہی اور نیولی ڈی دیبو کا انتخاب کیا گیا ہے۔

واضح رہے ملک کی ریاستوں میں رہائش پذیراقلیتوں کی ترقی اور بہبود کے لیےحکومت ہند کی نگرانی میں قائم قومی اقلیتی کمیشن (این سی ایم ) کافی فعال ہے۔ مذکورہ کمیشن کے ذریعہ ملک کی ہر ریاست میں کمیونٹی لیڈروں کا ایک پینل تشکیل دیا جاتا ہے جس میں کمیونٹی کی تمام سماجی، تعلیمی اور فلاحی سرگرمیاں انجام دی جاتی ہیں۔ اس میں شرکت کرنے والی اہم شخصیات شامل ہیں۔

حکومت ہند کے انڈر سکریٹری جناب شارق سعید نے ریاست مہاراشٹر کے کمیونٹی لیڈرز پینل کے ناموں کی فہرست جاری کی ہے جس میں جنوبی ممبئی کے علاقے ناگپارہ کی ہر دلعزیز شخصیت شیخ عزیز احمد عبدالرحیم مکی ہیں۔ اور صابو صدیق کالج کے آٹوموبائل انجینئرنگ ڈیپارٹمنٹ کے ایسوسی ایٹ۔ پروفیسر ڈاکٹر چودھری ذاکر الٰہی صاحب کے علاوہ پارسی کمیونٹی کے نمائندہ مسٹر نیولی ڈی دیبو کے نام قابل ذکر ہیں۔

عزیز مکی نے کہا کہ پینل میں شامل کمیونٹی لیڈروں کی ذمہ داری ہے کہ وہ اقلیتوں کی ترقی اور بہبود کے حوالے سے کمیشن کی رہنمائی کریں اور سرکاری دوروں کے دوران کمیشن کے چیئرمین، وائس چیئرمین اور ممبران کو اپنے مفید مشورے دیں۔ جہاں تک ممکن ہو رہنمائی کریں اور اپنا تعاون بڑھائیں اور انہیں حالات سے واقف کروائیں۔ اقلیتی لوگوں کو بھی اپنی ریاست میں اقلیتوں کے لیے شروع کی گئی فلاحی اسکیموں سے واقف کروائیں تاکہ وہ مستفید ہو سکیں۔