ممبئی میں گرمی کا قہر،شہریوں کو احتیاط برتنے کا انتباہ ہفتے میں دوسری باردرجہ حرارت 39پہنچا،ملک کا گرم ترین شہربنا

ممبئی ، ممبئی میں گرمی کا قہر جاری ہے جبکہ دفتر موسمیات نے شہریوں کو وارننگ جاری کرتے ہوئے احتیاط برتنے کا انتباہ کیا ہے اور بتایا کہ مارچ مہینے میں اس،ہفتے میں دوسری باردرجہ حرارت 39سے پارہوگیا،اس لیے دوپہر میں شہر کی سڑکیں ویران نظرآئیں۔
اطلاع کے مطابق دفتر موسمیات نے ممبئی والوں پر زور دیا ہے کہ وہ ضروری احتیاطی تدابیر پر عمل کریں، جس میں سر ٹوپی کا رہنا یا باہر نکلتے وقت سر کو ڈھانپنا شامل ہے۔ممبئی شہر اتوار کو ملک کا سب سے گرم شہر بن گیا کیونکہ انڈیا میٹرولوجیکل ڈپارٹمنٹ ( آئی ایم ڈی) سانتا کروز آبزرویٹری نے زیادہ سے زیادہ درجہ حرارت 39.4 ڈگری سیلسیس ریکارڈ کیا، جو کہ معمول سے چھ ڈگری زیادہ ہے اور 2023 میں اب تک شہر کا سب سے زیادہ دن کا درجہ حرارت بھی ہے۔جبکہ شہر کے قلابہ میں آئی ایم ڈی کی ساحلی آبزرویٹری میں 35.8 ڈگری ریکارڈ کیا گیا، جو معمول سے چار ڈگری زیادہ تھا۔

ایک ہفتے میں یہ دوسرا موقع ہے کہ ممبئی ملک کا گرم ترین شہر بن گیا۔ اس سے قبل شہر میں 6 مارچ کو 39.3 ڈگری ریکارڈ کیا گیا تھا۔ آئی ایم ڈی نے 11 اور 12 مارچ کو ممبئی میں ہیٹ ویو کی وارننگ جاری کی تھی جب ہفتے کے روز شہر کی دونوں موسمی رصد گاہوں میں روزانہ زیادہ سے زیادہ درجہ حرارت 37 ڈگری سے تجاوز کر گیا تھا۔ آئی ایم ڈی، ممبئی کی ایک سائنسدان سشما نائر نے کہا کہ روزانہ زیادہ سے زیادہ درجہ حرارت اگلے چند دنوں میں معمولی کمی ریکارڈ کر سکتا ہے۔

 "ممبئی تیز مشرقی ہواؤں کی موجودگی کی وجہ سے گرم موسمی حالات کا سامنا کر رہا ہے، جس کی وجہ سے سمندری ہوا میں تاخیر ہو رہی ہے اس طرح شہر کو گرم اور زیادہ مرطوب بنا دیا گیا ہے۔ اگلے چند دنوں میں، یومیہ درجہ حرارت میں بتدریج کمی آنے کا امکان ہے کیونکہ ہوا کے انداز میں الٹ جانے کی توقع ہے،‘‘ نیر نے مطلع کیا۔
ہفتہ کو سانتا کروز میں نسبتاً نمی کا تناسب 35 فیصد ریکارڈ کیا گیا، جب کہ کولابا میں یہ 60 فیصد رہا۔ جبکہ آلودگی بھی زیادہ رہی ہے۔