کرونا کے سبب مہاراشٹر میں حالات بے قابو ہونے کا خدشہ ، مرکز سے سی اے پی ایف کی۲۰؍ کمپنیاں طلب

ممبئی : مہاراشٹر میں کورونا وائرس کا قہر تھمنے کا نام نہیں لے رہا ہے اس وقت مہاراشٹر میں کورونا وائرس سے متاثرین کی تعداد۲۵؍ ہزار سے زائد ہوچکی ہے ان تعداد کو دیکھتے ہوئے مہاراشٹر کورونا وائرس کا انفکشن جہاں عام شہریان میں پایا جا رہاہے وہیں پولس اہلکاربھی اس کی زد میں آچکے ہیں دوسری جانب مسلمانوں کا سب سے بڑا تہوار عیدالفطر کی تاریخ بھی قریب آتی جا رہی ہے ایسے ماحول میں ریاست میں نظم و نسق کے ماحول کو برقرار رکھنے کے لئے  ادھو سرکار نے مرکزی سرکار سے سی اے پی ایف فورس کی ۲۰ کمپنیوں کی مانگ کی ہے ۔  جسے مرکزی سرکار نے منظوری دے دی ہے ۔

تفصیلات کے مطابق مہاراشٹر کے وزیر داخلہ انیل دیشمکھ نے کرونا کے اس وبائی اور اس کے پھیلائو کو روکنے کے لئے ملک سمیت ریاست میں لاک ڈاون کیا گیا اس کی پاسداری کے لئے مہاراشٹر سرکار نے محکمہ پولس کو ذمہ داری سونپی تھی پولس نے رات دن محنت کرتے ہوئے سخت حالات میں بھی اپنی ذمہ داریوں کو بہ خوبی نبھایا مگر حالات ان دنوں بے قابو ہوتے جار ہے ہیں ۔

رمضا ن المبارک کا آخری عشرہ بھی جاری ہے اس کے ختم ہوتے ہی عیدالفطر جیسا بڑا تہوار آئے گا اس موقع پرمقامی پولس انتظامیہ کے کاندھوں پر مزید بوجھ نہ پڑے اور وہ اپنی ذمہ داریوں سے گھبرا نہ جائے اس لئے ادھو سرکار نے مرکزی سرکار سے مدد مانگی ہے ۔

ریاست میں پہلے ہی سے مرکزی ریزرو پولس فورس کی۳۲؍کمپنیاں تعینات ہیں ۔ جو مہاراشٹر پولس کے ساتھ مل کر کام کر رہی ہے وزیر داخلہ نے مزید کہا کہ کرونا وائرس کا انفکیشن ان میں بھی بڑی تعداد میں پایا جانے لگا ہے اور وہ مسلسل کورونا جیسی بیماری کا شکار ہو تے جا رہے ہیں ۔

اب تک ہزاروں پولس اہلکار کرونا سے متاثر  پائے گئے ہیں ان میں ۷؍پولس اہلکاروں کی موت بھی واقع ہوچکی ہے ۔ جن پولس اہلکاروں کو کرونا کا انفکشن ہوا ہے ایسے پولس اہلکاروں کو اس بیماری سے شفایاب ہونے میں وقت درکار ہے جو انہیں دیا جا رہا ہے ریاست میں پولس کی کمی ہونے کی وجہ سے ریاستی سرکار نے مرکز سے مدد مانگی ہے ۔