صرف نیوز ہی نہیں حقیقی ویوز بھی

آل مہاراشٹر بیت بازی میں رئیس ہائی اسکول کی کامیابی

540
کل مہاراشٹر بیت بازی مقابلہ میں حصہ لینے والا رئیس ہائی اسکول کا گروپ اپنے انعامات کے ساتھ

بھیونڈی :(عارِف اگاسکر) بھارتی رِیاست مہاراشٹر کےسولاپور شہر کی ادبی تنظیم ’بزمِ غالب‘ کے زیر اہتما م نرمل کما رپھڑ کلے ہال سولا پور میں گذشتہ دنوں آل مہاراشٹر بیت بازی تقریب کا انعقاد کیا گیا ۔ مذکورہ تقریب میں رئیس ہائی اسکول اینڈ جونیر کالج ، بھیونڈی کی جانب سے بھی طلبا میں شعری ذوق پروان چڑھانے والے اس ادبی و تہذیبی مقابلے میں شرکت کے لیے تین طلبا خان عمار محمد ظفر(ہشتم الف) ، مومن محمد حمزہ (نہم الف) اور مومن عاصم ناصر حسین (دہم الف) پر مشتمل گروپ کوروانہ کیا گیا تھا ۔

مقام مسرت ہے کہ فائنل مقابلے میں جج صاحبان کے فیصلے کے مطا بق رئیس ہائی اسکول اینڈ جونیر کالج ، بھیونڈی کے گروپ کودوم انعام سے نوازا گیا ۔ واضح ہو کہ اس مقابلے میں کرناٹک ، کولہاپور ، سولاپور اور بھیونڈی کے گروپ نے شرکت کی تھی ۔ انعام یافتہ طلبا اورتربیت کا فریضہ انجام دینے والی معلمہ ثنا آفرین انصاری کو اسکول اور کالج انتظامیہ ، چیئر مین شفیع مقری ، پرنسپل ضیاء الرحمن انصاری ، وائس پرنسپل عامر صدیقی ، سپروائزرس محمود برکتی ، فیروز الدین شیخ اور اسرار پٹھان کے علاوہ وائی سی ایم او یو اسٹڈی سینٹر کے کوآرڈنیٹر عبدالعزیز انصاری و تمام اسٹاف کی جانب سے مبارک باد پیش کی گئی ۔

Leave A Reply

Your email address will not be published.