پروفیسر غیاث الدین شیخ کا انتقال
پونے : شہر پونا کی مشہور ومعروف سماجی ملی شخصیت پروفیسر غیاث الدین شیخ (رکن جماعت اسلامی ہند پونا) سنیچر بتاریخ 27 اپریل اس دار فانی سے کوچ کر گئے ۔ نماز جنازہ کوثر باغ مسجد کونڈوا میں ادا کی گئی اور تدفین متصل قبرستان میں عمل میں آئی ۔
مرحوم بہت ہی نیک اور منکسرالمزاج شخصیت کے مالک تھے ۔ آپکی عمر تقریباً 78 سال تھی ۔ آپ نے خود تادم حیات ملت سے جوڑے رکھا عرصہ دراز سے آپ کئی اداروں کے ممبر رہے اور ملت کی رہنمائی کرتے رہے ۔ آپ ارشد شیخ میڈیا انچارج مرکز جماعت اسلامی ہند کے والد ہیں ۔
اللہ تعالٰی سے دعا ہے کہ وہ مرحوم کی مغفرت فرمائے اور لواحقین کو صبر جمیل عطا فرمائے ۔ آمین