نرگس کے قتل کی انسائڈ اسٹور ی

نئی دہلی: دہلی کے ایک پارک میں گزشتہ 28 جولائی کو 25 سالہ نرگس کو اس کے خالہ زاد بھائی عرفان نے شادی سے انکار پر قتل کر دیاتھا پولیس کا کہنا ہے کہ ملزم عرفان نے تین روز قبل قتل کی منصوبہ بندی کی تھی اور اسے لڑکی کے معمولات کا بھی علم تھا۔ وہ جانتا تھا کہ وہ اپنی سٹینوگرافی کلاس کے راستے میں ہر روز پارک پار کرتی تھی۔پولیس نے کہا، "ملزم نے دعوی کیا ہے کہ لوہے کی راڈ، جو جرم میں استعمال کی گئی تھی، اپنے گھر سے لے کر گیا تھا۔ اس نے مزید دعویٰ کیا کہ اس نے پیر کے روز بھی خاتون سے رابطہ کرنے کی کوشش کی لیکن اس دن کچھ وجوہات کی بنا پر ان سے ملاقات نہیں ہو سکی۔ اب ہم اس کے دعووں کی تصدیق کر رہے ہیں۔لڑکی کی شناخت نرگس کے نام سے ہوئی ہے اور اس نے اس سال کملا نہرو کالج سے گریجویشن کی ہے۔ عرفان اپنی کزن نرگس سے شادی کرنا چاہتا تھا لیکن نرگس نے شادی کرنے سے انکار کردیا کیونکہ اس کے پاس کوئی مستقل ملازمت نہیں تھی اور وہ فوڈ ڈیلیوری ایجنٹ کے طور پر کام کرتا تھا۔ پولیس کا دعویٰ ہے کہ وہ ڈپریشن کا شکار تھا اور اسے کسی اور سے شادی کرنے میں پریشانی تھی۔

نرگس نے بھی فون اٹھانا چھوڑ دیا۔ وہ اس سے بات کرنے کی کوشش کرنے کے لیے اس کا پیچھا کرتا رہا۔ عرفان نے جمعہ کی صبح دہلی یونیورسٹی کے شری اروبندو کالج کے قریب ایک پارک میں نرگس کو لوہے کی راڈ سے مار مار کر ہلاک کر دیا۔