کسی کا ممبئی کا پہلا سفر تھا، کوئی اجمیر شریف سے واپس آرہا تھا: ٹرین فائرنگ میں مرنے والے کون تھے؟
حسین بھائی بھانوپور والا اس ماہ دبئی جانے والے تھے لیکن موت نے انہیں ایسی جگہ پہنچا دیا جہاں سے وہ کبھی واپس نہیں آئیں گے۔ پسماندگان میں اہلیہ کے علاوہ دو بیٹے، بہو اور ایک پوتا ہے۔
صبح کا وقت تھا، پیر کو جے پور-ممبئی سنٹرل ایکسپریس ٹرین مہاراشٹر میں اپنی منزل کی طرف بڑھ رہی تھی۔ صبح تقریباً 5:23 بجے، اچانک بوگی B5 گولیوں کی گرج سے گونجی۔ ٹرین کے فرش پر ایک ایک کر کے 4 لاشیں خون میں لت پت پڑی تھیں۔
آر پی ایف کے ایک کانسٹیبل چیتن سنگھ نے اس خونی واردات کو انجام دیا۔ چیتن نے پہلے اپنے سینئر اے ایس آئی ٹیکارام مینا کو گولی مار ی اور پھر تین اور مسافروں کو گولی مار ی۔ ان میں سے ایک کام کی تلاش میں پہلی بار ممبئی جا رہے تھے اور دوسرے اجمیر شریف سے اپنے گھر لوٹ رہے تھے۔