وزیراعظم نریندر مودی نے پرگتی میدان میں۔ انجمن اسلام ممبئی کے پروجیکٹ ،طالبات اور اساتذہ۔کی ستائش کی

ممبئی ،30،جولائی( یواین آئی)ملک کی نئی تعلیمی پالیسی کے تحت تیسری یوم ِ تاسیس کی مناسبت سےدہلی کے پرگتی میدان میں منعقدہ اکھل بھارتیہ شکشا سماگم ۲۰۲۳ء کی نمائش میں انجمن اسلام کی طالبات نے ’’MAGLEV VERTICAL AXIS WIND TURBINE ‘‘ پروجیکٹ پیش کیا.جس کی وزیراعظم نریندر مودی نے ستائش کی اور انجمن اسلام سے اپنی وابستگی تگی کا بھی اظہار کیا ۔دراصل ممبئی کے مسلم اکثریتی علاقے  مدنپورہ  ناگپاڑہ کے انجمن سیف طیب جی گرلز ہائی اسکول اینڈ جونیئر کالج، کی طالبات اور اساتذہ پروجیکٹ کے ساتھ شریک ہوئی تھیں۔انجمن اسلام  کے رابطہ عامہ کے مطابق وزیر اعظم مودی نے اسکول کے پروجیکٹ کا باریک بینی سے مشاہدہ کیا اور اس کے علاوہ اسکول کی طالبہ شیخ  اُم ہانی اور رشدیٰ انصاری سے اس کے بارےمیں معلومات حاصل کی اور ان ستائش کی۔واضح رہے کہ نیو ا یجوکیشن پالیسی  کے تحت   دہلی کے پرگتی میدان میں منعقدہ اکھل بھارتیہ شکشا سماگم ۲۰۲۳ء کی نمائش میں انجمن اسلام سیف طیب جی گرلز ہائی اسکول اینڈ جونیئر کالج، بیلاسس روڈ کی طالبات نے  ’’MAGLEV  VERTICAL AXIS WIND TURBINE ‘‘ پروجیکٹ پیش کیا۔  اس موقع پر مہمان خصوصی وزیر اعظم مودی نے اسکول  کے پروجیکٹ کا باریک بینی سے مشاہدہ کیا۔ انجمن اسلا م سیف طیب جی اُردو ہائی اسکول ’اٹل ٹینکرنگ لیبس ‘ مہم کے تحت اس پروجیکٹ کی تیاری پرگز شتہ ایک سال سے کام کررہی تھی۔ یہ پروجیکٹ سولار سسٹم سے متعلق ہے اور اسے دہلی کے پرگتی میدان پر منعقدہ پروگرام میں پیش کیا گیا  ۔مذکورہ اسکول کی پرنسپل شمع تاراپور والا کے مطابق ’ لرننگ لنکس فائونڈیشن اور سی جی آئی آئی ایس ایم سی پرائیویٹ لمیٹیڈ کے تعاون سے پروجیکٹ انچارج چھایا ماربٹے کی نگرانی میں ہمارے اسکول کی ۹؍ویں جماعت کی طالبہ اُم ہانی شیخ اور دسویں جماعت کی طالبہ رُشدیٰ  انصاری نے یہ پروجیکٹ تیار کیاہے جو نہایت کامیاب رہااور اس نمائش کیلئے پورے ملک سے۷۵؍پروجیکٹوں کا اندراج کیاگیاتھا جن میں سے۱۳؍صو بو ں کے  ۲۵؍پرو جیکٹس کو منتخب کیاگیا۔ ان میں سے بھی مہاراشٹر سے ایک ہی  پروجیکٹ کا ا نتخاب ہواجو انجمن اسلام کاہے۔دونوں طالبات نے اسے خوشگوار تجربہ قراردیا۔ لکی کمپائونڈ بائیکلہ میں رہائش پذیر اُم ہانی اور آگری پاڑہ  میں رہائش پذیر رُشدیٰ انصاری پرمسرت ہیں۔انجمن اسلام کے صدر ڈاکٹر ظہیرقاضی نے کہاکہ یہ ہمارے لئے اور پورے انجمن اسلام گروپ کے لئے قابل فخر لمحہ ہے کہ۔قومی۔سطح۔پر انجمن اسلام کو کامیابی حاصل ہوئی ہے۔یواین آئی/ اے اے