صرف نیوز ہی نہیں حقیقی ویوز بھی

نوہیرہ شیخ کا ڈیجیٹل گولڈ کے نام سے سرمایہ کاروں کیلئے نیا جال

253,997

ممبئی: ہیرا گولڈ کی سی ای او نوہیرا شیخ نے ممبئی کے بیلا پور علاقے میں ہیراگولڈ کے دفتر کا افتتاح کرتے ہوئے ڈیجیٹل گولڈ کے نام سے ایک نئی اسکیم کا آغاز کیا ہے، اب وہ اپنے کاروبار کو مزید آگے بڑھائیں گی تاکہ سرمایہ کاروں کے پیسے واپس کر سکیں۔

دفتر کھلنے کے بعد سے ہی سرمایہ کاروں نے ہنگامہ برپا کر دیا جس کے بعد نوہیرہ شیخ نے سب کو ان کی رقم واپس کرنے کا وعدہ کیا لیکن حیرت کی بات یہ ہے کہ اب تک کسی کی رقم واپس نہیں کی گئی جس سے لوگ پریشان ہیں۔ ایک نجی چینل کو ایک انٹرویو میں نوہیرہ نے کہا کہ جو لوگ ان کی مخالفت کر رہے ہیں وہ کرائے کے ٹٹو ہیں ۔

آپ کو بتاتے چلیں کہ نوہیرا شیخ کے خلاف ممبئی سمیت پورے ملک میں 17 سے زائد ایف آئی آر درج ہیں، جس کے بعد انہیں ڈھائی سال تک جیل میں رہنا پڑا تھا۔

سپریم کورٹ نے نوہیرہ شیخ کی ضمانت اس شرط کے ساتھ منظور کی تھی کہ وہ سرمایہ کاروں کی رقم واپس کر دیں گی لیکن جیسے ہی وہ باہر آئیں انہوں نے سرمایہ کاروں سے کہا کہ ان کے سرمایہ کاروں کی تفصیلات تفتیشی ایجنسیوں کے پاس ہیں، لہٰذا جب وہ ان کے حوالے کریں گے۔ عوام کو پیسے واپس کر دیں گی ۔

ایک سرمایہ کار نے بتایا کہ یہ سراسر فراڈ ہے، اس نے 2017 میں رقم جمع کروائی لیکن نہ تو رقم ملی اور نہ ہی انکی اصل رقم ملی، اگلی سماعت 19 فروری کو سپریم کورٹ میں ہے، اس لیے نوہیرہ شیخ اپنا کاروبار چلا رہی ہیں۔ اس نے ڈیجیٹل گولڈ کے نام سے یہ اسکیم شروع کی تاکہ وہ سپریم کورٹ میں بتا سکیں کہ اس نے اپنا کاروبار دوبارہ شروع کیا ہے لیکن اصل معاملہ یہ ہے کہ اب تک سرمایہ کاروں کا پیسہ واپس نہیں آیا۔

یہ بھی واضح ہو کہ نوہیرہ شیخ نے کاروبار کے نام پر پورے ملک کے مسلمانوں سے 20000 کروڑ کا سرمایہ جمع کیا، معاملہ کچھ دنوں تک اچھا رہا لیکن بعد میں لوگوں کو ان کے پیسے ملنا بند ہو گئے، لوگوں نے قانونی کارروائی کا سہارا لیا اور آخر کار شیخ کے جیل سے باہر آنے کے بعد لوگوں کو ایک امید نظر آئی تھی، لیکن جیل سے باہر آنے کے بعد بھی سرمایہ کار پریشان ہیں اور ان کا سرمایہ ڈوبتا ہوا محسوس ہورہا ہے، اسی وجہ سے ممکن ہے کہ انہیں دوبارہ جیل کا سامنا کرنا پڑے ۔

ایک طرف لوگوں کی خون پسینے کی کمائی نوہیرہ شیخ کی کمپنی میں ڈوبتی ہوئی لگ رہی ہے اور دوسری جانب نوہیرہ شیخ نے ایسے حمایتی پال رکھے ہیں جن کے سنگھ کے ساتھ تعلقات ہیں ۔ انہی میں سے دہلی میں رہائش پذیر مطیع الرحمن بھی ہے جو سنگھ کے کسی سابق پرچارک کے ساتھ شراکت داری میں ایک اخبار نکال رہا ہے ، جس کا سہارا لے کر وہ سرمایہ کاروں کو سنگھ کا خوف دلا کر خاموش کرنے کی کوشش میں مصروف ہے ۔

مطیع الرحمن نوہیرہ شیخ کی شبیہ کو بہتر بنانے میں عرصہ سے مصروف ہے ۔ نوہیرہ پر ایک کتاب شاہین کے نام سے شائع کرکے مختلف لوگوں کے ساتھ اس کی تصاویر سوشل میڈیا پر شیئر کرکے پتہ نہیں وہ کیا بتانے کی کوشش کرتا ہے ۔

Leave A Reply

Your email address will not be published.