آدتیہ ٹھاکرے کے محکمہ کا نام تبدیل کرنے کیلئے کابینہ کی میٹگ میں فیصلہ

ممبئی: ریاستی کابینہ میں آدتیہ ٹھاکرے کے پسندیدہ محکمہ ماحولیات کا نام تبدیل کردیا گیا ہے۔ یہ فیصلہ آج ریاستی کابینہ کے اجلاس میں کیا گیا۔ کابینہ نے محکمہ ماحولیات کا نام تبدیل کرکے ‘ماحولیات اور موسمیاتی تبدیلی محکمہ رکھنے کا فیصلہ کیا ہے۔ کہا جاتا ہے کہ یہ بڑی تبدیلی ماحول میں ہونے والی تبدیلیوں اور عام آدمی پر اس کے اثرات کے مدنظر کی گئی ہے۔

آدتیہ ٹھاکرے کے پاس سیاحت کے ساتھ وزارت ماحولیات بھی ہے اسے انہیں خاص طور پر دیا گیا تھا کیونکہ یہ ان کا پسندیدہ شعبہ ہے ۔ ایک خبر یہ بھی ہے کہ یہ تبدیلی بھی ان کی تجویز پر ہوئی ہے۔ آدتیہ ٹھاکرے نے کابینہ میں شامل ہونے سے پہلے ہی ان تمام معاملات میں بڑھ چڑھ کر حصہ لیا تھا ، چاہے وہ پلاسٹک سے پاک مہاراشٹر اور ساحل کی صفائی ہو اس کے لئے وہ محنت کرتے آرہے ہیں ۔

اس تبدیلی سے اب محکمہ ماحولیات کے کام کے دائرہ کار میں وسعت آئے گی اور کہا جاتا ہے کہ وہ جدید ترین ٹیکنالوجی کی مدد سے آب و ہوا کی تبدیلی کے اثرات کا مطالعہ کرنا چاہتے ہیں اور اس کے اثرات پر ایک بڑے منصوبے کو عملی جامہ پہنانا چاہتے ہیں۔