لاک ڈائون میں ۳۱؍ جولائی تک توسیع کے درمیان ضلع کلکٹر میونسپل کا رپوریشن کو خصوصی اختیار

ممبئی: مشن بیگین اگین کے تحت دی جانے والی مراعات اور ریاست میں کرونا وائرس کے انفیکشن کو روکنے کے لئے آج ریاستی حکومت نے ۳۱؍ جولائی تک لاک ڈاؤن میں توسیع کا نوٹیفکیشن جاری کیا۔ اس مدت کے دوران ، ڈسٹرکٹ کلکٹر اور میونسپل کمشنر وائرس کے پھیلاؤ کو روکنے کے لئے مقامی حالات کے مدنظر اپنے علاقے میں ضروری پابندیاں عائد کرسکتے ہیں۔ غیر ضروری کام کے ساتھ ساتھ شہریوں کی نقل و حرکت پر بھی پابندی کے ساتھ ورزش ، دکانوں میں خریداری کے لئے معاشرتی فاصلہ ، حفظان صحت کے اصولوں پر سختی سے عمل کرنے کی ہدایت کی ہے ۔

دفتری کام پر جانے پر پابندی نہیں ہوگی۔ مرکزی صحت عامہ کی جانب سے جاری کی گئی ہدایات کے مطابق دوران سفر کے ساتھ ساتھ عوامی مقامات ، کام کی جگہوں پر ماسک پہننا لازمی ہے۔ ہر شخص کو عوامی مقامات پر کم از کم 6 فٹ (دو گز)  کا فاصلہ رکھنا ہو گا ۔ دکانداروں کو یہ یقینی بنانا ہوگا کہ گاہک کے درمیان محفوظ فاصلہ برقرار رکھیں ، ایک وقت میں 5 سے زائد افراد کو دکان میں داخل ہونے کی اجازت نہ دیں۔ ہجوم ، تقریبات / میٹنگ وغیرہ پر پابندی عائد رہے گی۔ شادی کی تقریب میں 50 سے زیادہ افراد کو مدعو نہیں کیا جاسکتا۔ 50 سے زیادہ افراد کی نماز جنازہ اور متعلقہ رسومات میں شرکت کی اجازت نہیں ہوگی۔ عوامی مقامات پر تھوکنا قابل سزا ہے اور متعلقہ اتھارٹی کے قوانین ، قواعد و ضوابط کے مطابق جرمانہ لاگو ہوگا۔ شراب ، گٹکا ، تمباکو وغیرہ کے استعمال پر عوامی مقامات پر پابندی ہوگی۔

 اگر ممکن ہو تو گھر سے کام کرنے کو اہمیت دی جائے ۔ دفتر، کام کے مقامات ، دکانوں ، بازاروں ، صنعتی نیز تجارتی اداروں میں کام اور کاروباری وقت کی تقسیم کی جانی چاہئے۔

تھرمل اسکیننگ (جسمانی درجہ حرارت کی پیمائش) ، ہاتھ دھونے اور سینیٹائزر کا انتظام دفتر کے تمام داخلی راستوں کے ساتھ ساتھ باہر نکلنے والے دروازے  پر نصب کیا جائے ۔ کام کرنے کی پوری جگہ اور انسان کے ساتھ رابطے میں آنے والی تمام اشیاء کو بار بار صاف کیا جانا چاہئے۔ شفٹوں میں کام کرتے وقت ، ہر شفٹ کے بعد دروازے کے ہینڈلز کو صاف رکھنا ضروری ہے۔ کام کی جگہ پر موجود تمام ملازمین اور کارکنان ہر شفٹ کے دوران مناسب فاصلے کے اندر کام کرنے کو یقینی بنائیں جائیں۔ دفتر کے سربراہ کو یہ یقینی بنانا ہوگا کہ ملازمین ایک ساتھ لنچ  نہ کرسکے۔ ممبئی ، پونے ،شولا پور ، اورنگ آباد ، مالیگاؤں ، ناسک ، دھولیہ، جلگاؤں ، اکولا ، امراوتی اور ناگپور علاقوں میں ان ہدایات پر عمل آوری سختی سے کی جائے ۔

اس نوٹیفکیشن سے قبل جن  ضروری دکانوں کو کھلی رکھنے کا حکم نامہ جاری کیا گیا تھا وہ بدستور جاری رہیں گے ۔ جن دکانوں  کے لئے ۴؍ جون اور ۳۱ ؍ مئی کو ظاہر کئے گئے احکامات کے تحت جاری رکھنے کی اجازت دی گئی تھی انہیں میونسپل کارپوریشن یا متعلقہ انتظامیہ کی ہدایت پر عمل کرنا ہو گا ۔ مالز اور مارکیٹ کمپلیکس کے علاوہ غیر ضروری اشیاء کی  دکانیں صبح۹؍ بجے سے شام ۵؍ بجے تک کھلی رہیں گی ۔اسی طرح اگر شراب کی دکانوں کو کھلی رکھنے کی اجازت دی گئی ہے تو وہ جاری رہ سکتی ہیں اور شراب کی ہوم ڈیلیوری جاری رہے گی ۔ای کامرس سرگرمیاں ضروری اور غیر ضروری اشیاء کی آن لائن خریداری کے لئے جاری رکھیں گی۔

فی الحال جاری صنعتیں جاری رہیں گی۔ تمام منظور شدہ عوامی کام کے ساتھ نجی تعمیرات بھی جاری رہیں گی۔ ہوم ڈلیوری ریستوراں اور کچن جاری رہیں گے۔

آن لائن سیکھنے اور اس سے متعلق سرگرمیاں جاری رہیں گی۔ تمام سرکاری دفاتر (ایمرجنسی ، ہیلتھ اینڈ میڈیکل ، ٹریژری ، ڈیزاسٹر مینجمنٹ ، پولیس ، این آئی سی ، فوڈ اینڈ سول سپلائیز ، ایف سی آئی ، این وائی کے ، میونسپل سروسز کو چھوڑ کر) میں 15 فیصد عملہ یا جس میں زیادہ سے زیادہ 15 عملہ ہوگا۔ تمام نجی دفاتر 10 فیصد عملہ یا 10 ملازمین کی گنجائش کے ساتھ کام کریں گے جو بھی زیادہ ہو۔

ٹیکسیوں ، کیب  کو ہنگامی خدمات کے لئے صرف 1 پلس 2 ، رکشا میں ۱ پلس ۲ ،اسی طرح چار پہیہ سواری میں زیادہ سے زیادہ دو فرد اور موٹر سائیکل پر صرف ایک ہی فرد سفر کر سکتا ہے ۔

خود روزگار سے متعلق کاروبار جیسے۔ پلمبرز ، الیکٹریشین ، پیسٹ کنٹرول اور ٹیکنیشن کے علاوہ پیشگی اجازت سے گاڑیوں کی مرمت کی گیراج کھلی رہ سکتی ہے ۔

ممبئی میٹروپولیٹن ریجن (ایم ایم آر) میونسپلٹی کے علاقے میں ضروری کام کے ساتھ ساتھ دفتری کام کے لئے نقل و حمل کر سکتا ہے۔ عوام  سے صرف خریداری کے لئے قریبی بازاروں میں جانے کی توقع کی جاتی ہے۔ غیر ضروری اشیاء کے لئے طویل سفر کی اجازت نہیں ہوگی۔ 23 جون 2020 ء کے حکم کے مطابق ، شادی سے متعلقہ تقریبات کے لئے کھلی جگہ ، لان ، ہال کی اجازت، کچھ پابندیوں کے ساتھ کھلی جگہوں پر ورزش کی اجازت، اخبارات کی پرنٹنگ اور تقسیم اور ان کی گھر وں تک  ترسیل،تعلیمی اداروں (یونیورسٹیوں/ کالجوں / اسکولوں) میں دفاتر ، غیر تعلیمی کاموں کے لئے عملہ جس میں ای مٹیریل ، جوابی پرچوں کی جانچ اور نتائج کا اعلان کیا جاسکتا ہے۔ ریاستی حکومت کے ذریعہ ہیئر ڈریسر ، اسپاس ، سیلون ، بیوٹی پارلر کی اجازت ہے۔کسی بھی دوسرے کام کی کسی مخصوص / عام آرڈر کے ذریعہ اجازت ہے۔

  ریاستی سطح پر، شرائط و ضوابط کے ساتھ مسافروں کو سرکاری اور نجی گاڑیوں میں سفر کرنے کی اجازت دی گئی ہے جس کے تحت موٹڑ سائیکل پر صرف ایک فرد ،تھری وہیلر میں ڈرائیور اور 2 مسافر، فور وہیلر میں ڈرائیور اور 2 مسافر، بین ضلعی بسوں کی آمدورفت کی اجازت ہے۔ بس میں مسافروں کی کل صلاحیت کا تقریبا نصف معاشرتی فاصلے اور حفاظت کی دیکھ بھال کے ساتھ سفر کر سکتے ہیں ۔غیر ضروری دوکانیں صبح 9 بجے سے شام 5 بجے تک کھلی رہیں گی۔ مہمانوں کو کھلی جگہوں ، لانوں اور ایئر کنڈیشنڈ آڈیٹوریم میں مدعو کرنے کی اجازت 23 جون 2020 کے فیصلے سے مشروط ہوگی۔ کھلی جگہ کی ورزشیں اور پابندی کے ساتھ دیگر جسمانی سرگرمیاں۔ اخبارات کی چھپائی اور گھر تک ترسیل کے لئے اجازت۔ یونیورسٹیوں / کالجوں / اسکولوں اور تعلیمی اداروں کے دفاتر کے غیر تعلیمی عملے کے لئے ای مشمولات کی تیاری ، جوابی شیٹوں کی جانچ۔ امتحان کے نتائج کا اعلان ، شرکت کی اجازت۔کچھ شرائط پر ہیئر ڈریسر ، اسپاس ، سیلون ، بیوٹی پارلر کی اجازت ہے۔