آج دوپہر میں آئیڈیل ریلیف ونگ آئی آر ڈبلیو مہاراشٹر کے 11 رضاکار (والنٹیئرس) ، محمد عمرخان اسٹیٹ کوآرڈینیٹر و مظہر فاروق سکریٹری شعبۂ خدمت خلق جماعت اسلامی مہاراشٹر کے ساتھ کیرالا کے سیلاب متاثرین کی مدد و راحت کے لیے نیتراوتی ایکسپریس ممبئی سے کیرالا کے لیے روانہ ہوچکے ہیں ۔
ان رضاکاروں میں 2 ڈاکٹرس ، ایم ایس ڈبلیو سوشل ورکرز اور ڈزاسٹر مینجمنٹ کی تربیت یافتہ نوجوان شامل ہیں ۔
آئی آر ڈبلیو کے یہ رضاکار کیرالا پہنچ کر جماعت اسلامی ہند اور آئی آر ڈبلیو کیرالا کے تعاون سے راحت رسانی کے کام انجام دیں گے ۔ مہاراشٹر سے دوسرا گروپ بھی کیرالا کے لیے جلد ہی روانہ کیا جائے گا ۔
تھانے ریلوے اسٹیشن پر صابر بیگ امیر مقامی تھانے ، برادر عفیف آسرے سیکریٹری ایس آئی او تھانے و برادر ملک عبدالسلام نے ان نوجوانوں کا استقبال کیا اور دعاؤں و نیک خواہشات کے ساتھ الوداع کہا ۔